पीडाबाट पाठ सिकेँ : नम्रता

Thu Apr 22 4 Comments

खाजागफमा नम्रता। सबै तस्विरः ऋषिकेश दाहाल
बिना योजनाका पाइला कुनै बेला रमाइलै ठाउँमा पर्छन्। बुधबार दिउसो हिरोइन नम्रता श्रेष्ठको एट्टिक (बुइँगल) रेष्टुराँमा खाजा खान जाने विषय त्यस्तै एउटा क्षणिक रमाइलो निर्णय थियो। नागरिकन्युजका दोस्त ऋषिकेश दाहाल र अशोक थापासँग एकदम छोटो कुराकानीपछि म खाजाका लागि एट्टिक जान सहमत भएँ। ‘भोक्सवागन गाडी चढेको चर्चा छ त्यस बारे स्टोरी पनि हुनसक्छ’, ऋषिकेश बडो न्युजी लाग्यो।

यस्तै कुरा सोच्दै उनको मौनता तोड्न पाइने लोभले हामीले लाजिम्पाट पुरानो आर्किटेक्चरयुक्त घरको तेस्रो तल्लाको बुइँगलसम्म उक्लियौं। बाहिरबाट प्राचीन भए पनि भित्रको फर्निसिङ आधुनिक रहेछ। एकैछिनको प्रतीक्षापछि झुल्किइन्- नम्रता। चन्द्रमाझैं सेतै पहिरनमा। म एक आत्मविश्वासी, परिश्रमी र नयाँ कुरा सिक्न रुचाउने नारी हुँ,’ आफ्नोबारे प्रष्ट पार्दै उनले सुनाइन्। उनले हामीलाई यसो बताइरहँदा उनको दह्रो आत्मविश्वास सजिलै अनुमान लगाउन सकिन्थ्यो। मोडल, रेडियो प्रस्तोतादेखि हिरोइनसम्मको परिचयपछि अब नम्रता आफ्नै रेष्टुराँमा थिइन्। ‘यो मेरो लागि नयाँ अनुभव थियो,’ एक वर्षअघि साथी रेमनसँग मिलेर रेस्टुरेन्ट खोल्नुको कारण उनले सम्झिइन्, ‘नयाँ सोच र आफ्नै किसिमको ह्याङ आउट जङ्क्सनको आवश्यकताका लागि यो खोलिएको हो।’

रेस्टुरेन्ट उनको रुचिकै विषय चाहिँ होइन। यसलाई एउटा प्रयोगात्मक योजनाको परिणाम ठान्छिन्। उनका लागि रेस्टुरेन्ट पूर्ण आर्थिक मुनाफाको विषयभन्दा पनि बढी जनसम्पर्क बिस्तारको बहाना हो। ‘मधुर संगीत, आकर्षक इन्टेरियर डिजाइन र मिठो परिकार यहाँको विशेषता हो,’ यसो भनिरहँदा नम्रता रेस्टुरेन्टकी पक्का ‘मालिक’ लागिरहेकी थिइन्, ‘त्यसैले यहाँका ग्राहक संगीत, शान्त वातावरण अनि मिठो खाना खोज्नेहरू हुन्।’

मनोरञ्जनका लागि बुधबार र शुक्रबार नम्रताको एट्टिकले सांगीतिक कार्यक्रम पनि गर्छ। नयाँ वर्ष, होली लगायतका पर्वमा उनीसँगै भेटिन्छन् सेलिब्रिटीहरू विशेष कार्यक्रमसहित। आफ्नो रेस्टुरेन्टको विशेष लक्षित वर्ग कोही नभएको उनको बुझाइ छ। ‘सबै खालका मान्छे आउँछन्,’ दुई हातका औंलाका नङ जुधाउँदै नम्रताले भनिन्, ‘विशेष गरी मिडियाका मान्छे बढी आएको पाएकी छु।’

फिल्म, मोडलिङ र इभेन्टमा व्यस्त भइरहनुपर्ने हुनाले नम्रताले रेस्टुरेन्टमा त्यति धेरै समय दिन पाउँदिनन्। ‘त्यस्तो बेलामा साथीहरू मिस हुन्छन्, म जहाँसुकै भए पनि मेरो आत्मा यहीँ भएजस्तो लाग्छ,’ उनले सुनाइन्। त्यो आत्मा रेमन त हैन कतै ? प्रश्न मुखमै थियो, उच्चारण गरिनँ। ‘मान्छे पाइलै पिच्छे पाठ सिक्छ, लडेर होस् वा पढेर। मैले बितेको वर्ष दुःख-पीडाबाट बढी सिकेँ’, झन्डै २० मिनेट जतिको प्रश्न-उत्तरपछि नम्रता श्रेष्ठले आफ्नो भिडियो प्रकरणपछिको मनोविज्ञान खुलस्त पारिन्।

प्रभुशमशेर राणाले निर्माण गर्न लागेको ‘पर्पल डेज’को मुख्य भूमिकामा उनी अनुबन्धित भएकी छन्। नेपाली हिरोहरूले समेत एउटा फिल्मको पाँच लाख पाउँदैनन् तर नम्रताले ‘पर्पल डेज’मा पाँच लाख पारिश्रमिक लिएको लुकाइनन्। ‘मेरो खुबीका लागि जति पाउन लायक छ त्यति लिन्छु। कुरा त्यही हो,’ नम्रता कुटनीतिक बनिन्।

कुराकानीको दौरानमा थाहा पाइयो, उनले भक्सवागनको गाडी चढ्ने खबर सत्य रहेनछ। गाडीको लेख तयार पार्न नपाए पनि एउटी नम्रताका शीतल गफ सुनियो। हामीले ‘बुइँगल मिसन’ सफल भएको ठान्यौं।







खाजा खाइसकेपछि ऋषिकेश


नागरिकन्युज मोडल अशोक थापा


4 thoughts on “पीडाबाट पाठ सिकेँ : नम्रता

  1. पीडाबाट hoina Galtibata Paath sike would have sound better. i guess..hoina ra

  2. कलाकार ले ब्यबसाय मा पनि हात हाल्नु जागर को कुरा हो। जागर आत्मबिस्बासी हुनेहरु नै स्वाभिमानी व्यक्ति हुन्छन्।
    she is brave and she is nice person .

  3. All will make mistakes. Mistakes of past will teach so many things for better future. Now Namrata has something to give to the new generation that would be a role model. As her videos out that was her private life revealed there was nothing wrong with that. Our society who always see lice in others back is the problem. Good luck for your upcoming movie. we are waiting to watch it.

Comments are closed.